Coche
A estrada N-550, que une A Coruña e Tui, pasa polo noroeste do Concello, establecendo comunicación entre Santiago e Padrón. Tamén se pode chegar a Teo a través da AC-841, que une Santiago e A Estrada e cruza o Concello de norte a sur. Por Teo tamén o cruza a autopista A-9, que une as cidades da Coruña e Vigo. A autoestrada AG-56, alternativa á AC-841, une Santiago-A Ramallosa.
Autobús
A Teo pódese chegar tamén en transporte público, utilizando a liña de autobús que une Santiago-Milladoiro-Solláns-Luou e Casal de Reis.
Tren
Por Teo pasa tamén a liña de tren que une A Coruña e Vigo e que antigamente contaba cunha parada na estación de Osebe.
Aeroporto
O aeroporto máis próximo é o de Lavacolla, en Santiago de Compostela, que se sitúa a uns 24 km da capital municipal.